Advertisements

Entradanan hudisial ku detenshon i konfiskashon.

KOMUNIKADO DI PRENSA 023 / 2020
17 yanüari 2020
Entradanan hudisial ku detenshon i konfiskashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di tiramentu den área di Mahuma,
ku a tuma lugá 7 di yanüari último, polis a tene vários entrada hudisial.
Djabièrnè 17 di yanüari 2020 den oranan tempran di mainta, personal di VVC
konhuntamente ku Tim di Mantenshon di Órden Públiko a tene entradanan hudisial;
primeramente den Kaya Fifi Römer riba un tereno grandi ku tin tres bibienda.
Durante investigashon den un di e bibiendanan aki, polis a haña i konfiská vários saku di
plèstik ku ta kontené droga i artíkulonan pa prosesá droga.
Na e adrès ariba menshoná, riba òrdu di Ministerio Públiko polis a detené e hòmber E.S.R.
nasé na Kòrsou di 20 aña di edat, relashoná ku intento di asesinato i violashon di e lei di
arma di kandela. Tambe e agentenan a detené e hòmber Fh.T., nasé na Kòrsou di 47 aña di
edat, pa violashon di e Lei di Opio.
Seguidamente e agentenan a tene un entrada hudisial na un kas den área di Mahuma.
Na e adrès aki no a bin haña nada partíkular relashoná ku e investigashon.
A presentá ámbos sospechoso dilanti di un fiskal ouksiliar, ku a ordená nan enkarselamentu
pendiente di mas investigashon.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: