KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Dos detenshon pa ladronisia di piesa di outo

 

 

KOMUNIKADO DI PRENSA 366/2024
25 ougùstùs 2024

Dos detenshon pa ladronisia di piesa di outo

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den oranan di mainta di djasabra 24 di ougùstùs 2024 polis a enkontrá un vehíkulo, un outo
di famia, prosedente di ladronisia riba un vèlt di bala riba Helmin Magno Wiels Boulevard.
Despues ku kran a transportá e vehíkulo pa warda di polis pa mas investigashon, un
personal di reshèrshi atento ku a pasa den e área ei, a tuma nota di dos hòmber ku tabata
saliendo for di mondi ku algun piesa di outo.
E piesanan di outo aki tabata di e vehíkulo ku un ratu promé polis a lokalisá i transportá pa
warda.
Mesora, alrededor di 10.46’or a hasi detenshon di e dos hòmbernan J.S.S. i J.J. di
respektivamente 18 i 17 aña di edat, ambos nasé na Kòrsou.
A konfiská e piesanan ku e sospechosonan tabatin huntu ku nan.
A presentá e duo dilanti di un fiskal ouksiliar, ku a ordená su enkarselamentu pendiente di
mas investigashon.

639114718427035"
639114718427035"