KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Homber detené pa destrukshon i violashon di Lei di Opio

 

KOMUNIKADO DI PRENSA 365/2024
25 ougùstùs 2024

Homber detené pa destrukshon i violashon di Lei di Opio

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 24 di ougùstùs 2024 alrededor di 20.05’or, Sentral di Polis a dirigí un unidat pa
Kaya Pilon, pa un kaso di destrukshon.
Na yegada di e unidat, el a bin komprondé di habitantenan, ku un hòmber lo tabata kore di
un forma sumamente hanshá den e besindario, pasando den diferente kurá di kas.
Na e adrès na Kaya Pilon el a kibra e porta di kas i bai paden, mientras ku e tabata bastante
agresivo ku e habitantenan di e kas.
Polis a bin topa e hòmber despues den e área ei ku un kòrtá na su pia. Den su serkania
tabatin un bolita.
Mesora polis a konfiská esaki i despues ku e hòmber aki, B.B.F. di 36 aña di edat nasé na
Kòrsou a risibí tratamentu médiko dor di personal di ambulans, el a keda detené pa
destrukshon i violashon di e Lei di Opio.
A present’é dilanti di un fiskal ouksiliar, ku a ordená su enkarselamentu pendiente di mas
investigashon.

639114718427035"
639114718427035"