KÓDIGO HEL: UN PREKOUSHON PA LAMAN BRUTU. Pronóstiko di tempu pa Kòrsou i bisindario bálido te djasabra mainta 06:00 o.l., 18 di yanüari 2020.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 18 di yanüari 2020.
Kompilá: djabièrnè 17 di yanüari 2020, 05:00 o.l. (09:00 UTC).

KÓDIGO HEL: UN PREKOUSHON PA LAMAN BRUTU.

Tempu: Shelu ta parsialmente te hopi nublá ku algun áwaseru lokalmente.

Temperatura máksimo lo alkansá 30ºC i temperatura mínimo 24ºC.
Solo ta sali 07:01 i ta baha 18:30 o.l.

Bientu: Direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den áwaseru, fuerte te posiblemente duru den ráfaga; forsa 6 te 7 (40 te  61 km/ora, 22 te 33 nudo).

Situashon general: Nubianan lo oumentá periódikamente durante awe i awa lo kai riba diferente parti di nos isla. Mas ainda, e fluho di bientu por supla un poko fuerte durante di áwaseru.

Kondishon di laman: Basta brutu ku altura di olanan entre 1.5 te 2.5 meter (5 pa 8 pia) riba laman habri i e partinan di kosta na nort i ost di e isla. Na e otro zona nan, moderá ku altura di ola entre 1 te 2 meter (3 pa 6 pia).

Fenómeno spesial: Ningun.

Perspektiva te djadumingu mainta: Parsialmente nublá i seku.

Meteorólogo: Figueroa.