Frakshon di MAN ta felisitá Direktiva di Skolnan Katóliko ku su 50 aña di eksistensia. 

Frakshon di MAN ta felisitá Direktiva di Skolnan Katóliko ku su 50 aña di eksistensia. 

 

Enseñansa Katóliko ta eksistí pa mas ku 178 aña aki na Kòrsou i e aña aki Direktiva di Skolnan Katóliko ta selebrá 50 aña di eksistensia den un bachi nobo. Durante e añanan tras di lomba skolnan katóliko a sa di duna guia spiritiual na promé lugá i tambe formashon na miles di alumnonan ku a pasa nan karera eskolar na un di e skolnan. 

 

Frakshon di MAN ta rekonosé ku  desishon di iglesia katoliko, 178 aña pasá pa yuda den enseñansa pa esnan menos pudiente den nos komunidat, a yuda trese un kambio positivo ku a kondusí ku hopi di esnan ku awe ta okupá un lugá prominente, por a gosa di un bon edukashon. 

 

Nos ta felisitá un total di 1200 maestro i personal ku ta laborá na e diferente skolnan ku kada dia di nobo ta guia, eduká i apoyá nos yunan ku amor i dedikashon. Nos ta aploudí ku Direktiva di Skolnan Katóliko ta sigui forma su personal i ta balorá nan esfuersonan. 

 

Frakshon di MAN ta deseá tur maestro i personal di skolnan katóliko un dia di formashon fruktífero i un biaha mas un kaluroso pabien.