Via di e komunikado aki Partido Kèm kièr a duna su reakshon riba notisia lamentabel ku nos a tuma nota di dje siman pasa, kual ta e akuerdo di promoshon ku Curacao Tourist Board a sera ku e ekipo di futbòl Hulandes, Ajax.

Via di e komunikado aki Partido Kèm kièr a duna su reakshon riba notisia lamentabel ku nos a tuma nota di dje siman pasa, kual ta e akuerdo di promoshon ku Curacao Tourist Board a sera ku e ekipo di futbòl Hulandes, Ajax. Un akuerdo kaminda CTB ta regalá un montante anual di 2.3 mion durante 3 aña na e ekipo hulandes. Un regalo disfrasá komo “sponsorship”.
Den un tempu di difikultat i opstákulonan ekonómiko, “nos” ta disidí di entregá un montante mionario na un
organisashon hulandes a kambio di un supuesto eksposishon mundial.
Sabiendo ku ya kaba Kòrsou su merkado #1 di turismo ta Hulanda ta zona apsurdo pa hinka un porsentahe asina grandi di CTB su “budget” den un promoshon kaminda e eksposishon ta minimo.
Tin kantidat di otro opshonnan ku por a eksplorá.
Un ehèmpel simpel, pa nos keda den e gremio di futbòl;
Un organisashon manera LA Galaxy ku ta un di e tim nan di futbòl mas grandi na Merka (un merkado ku Kòrsou tin hopi espasio pa krese aden) ta kosta 4 Mion dòler pa promové bo Marka/Pais riba nan unifòrm pero no riba e manga pero riba pechu kaminda e marka ta haña eksposishon máksimo den un merkado muchu mas grandi.
Aparte di otro opshonnan ku por a eksplorá ku e “budget”
Nos di Partido Kèm ta sintá tambe ku e dilema étiko i moral, kaminda nos ta pensa kuantu hóben deportista na Kòrsou aki tin ku praktiká deporte den situashon lamentabel.
Pa sita miembro di Partido Kèm, Geronimo Goeloe:
“Si mi ta orguyoso ku un tim renombrá manera Ajax lo usa nos isla su nòmber riba nan unifòrm pero mi orguyo nunka i hamas lo bai promé ku interes di míles di mucha, míles di mayor ku ta lucha dia tras dia hibando nan yu nan training hibando nan vèlt nan deplorabel den mal estado, kostando nan sèn di gasolin, alimentashon etcetera.Asina mes nos hóben nan ta presta kai den selekshon pa tende ku no tin sèn pa kubri e biahe. Pero tin 7 mion pa pone Curacao riba un shirt di un tim multimionario.”
E tipo di aktonan aki partido Kèm hamas i nunka lo aprobá. Nos no por sende lus na kaya i laga kas suku. Partido Kèm den su nòmber nos ta para pa Esun Mihó pues esun mihó sirbí, mester ta nos pueblo!”
Atentamente,
Direktiva Kèm

This site uses Akismet to reduce spam. Learn how your comment data is processed.

error: Content is protected !!
%d bloggers like this: