Pronóstiko di tempu pa Kòrsou i bisindario bálido te djaweps mainta 06:00 o.l., 30 di yanüari 2020.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 30 di yanüari 2020.
Kompilá: 
djárason 29 di yanüari 2020, 05:00 o.l. (09:00 UTC).

Tempu: Shelu ta parsialmente te tiki nublá i generalmente seku.

Temperatura máksimo lo alkansá 32ºC i temperatura mínimo 24ºC.
Solo ta sali 07:01 i ta baha 18:36 o.l.

Bientu: Direkshon por lo general ost, suak te moderá; forsa 2 te 4 (7 te 30 km/ora, 4 te 16 nudo).

Situashon general: Un kondishon atmosfériko stabil riba nos region lo stroba desaroyo di nubianan ku por produsí áwaseru signifikante riba Kòrsou. Tambe un sistema di preshon haltu riba Atlántiko poko poko lo kuminsá oumentá e diferensia di preshon den nos área. Konsekuentemente bientu lo oumentá poulatinamente den e dianan ku ta sigui.

Kondishon di laman: Por lo general trankil ku altura di olanan ménos ku 1 meter (3 pia).

Fenómeno spesial:
 Ayera atardi alrededor di 15:10 o.l.  a registrá un temblor di magnitut 7.7 riba skala di Richter den e área di Karibe. Esaki a wòrdu midi na un distansia di aproksimadamente 115 km nortwèst di Lucea, Jamaica. E temblor aki no a trese ningun menasá di Sunami pa Kòrsou i demas islanan den Karibe. Servisio meteorológiko ta sigui monitoriá e área aki i tambe e área sùitwèst di Puerto Rico pa temblor, mirando ku esakinan kada un ta basta aktivo durante e último oranan.

Perspektiva te djabièrnè mainta: Leve te parsialmente nublá i generalmente seku.

Meteorólogo: Correa.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: