VivaKids Recycleband ta lansa videoklep fasinante pa nan roadfire ‘Popcorn’. 

VivaKids Recycleband ta lansa videoklep fasinante pa nan roadfire ‘Popcorn’. 

 

WILLEMSTAD- Ku hopi orguyo VivaKids Recycleband awe a hasi lansamentu ofisial di su di 5 videoklep. E biaha aki pa nan hit di mas resien, ‘Popcorn’. ‘Popcorn’ ta un kansion ku un fantasia masha leuk mes i ku un ritmo ku ta kontagiá tur mucha i hende grandi pa baila i gosa. E kansion aki no ta pa e temporada aki so, pero pa durante henter aña tambe

‘Popcorn’ ta un roadfire kompositá i areglá pa e artista multi talentoso, Omar Sling. Si bo no tabata amante di Popcorn, e kansion su ritmo i e zjèitu di e muchanan aki sigur lo kambia bo opinion.
VivaKids ta un proyekto ku ta duna e muchanan e oportunidat pa hasi arte I músika, for di nada òf di artefaktonan desechabel pa nan traha nan probio instrumèntnan.

Mas ku klaro Viva Kids lo no ke laga e oportunidat aki pasa sin gradisí i mustra nos mas sinsero apresio na tur nos spònsernan sin lubidá niun ku a kere un biaha mas den e proyekto aki i kada persona ku a hasi e videoclip aki posibel; tantu finansieramente komo dor di a kontribuí ku nan talento di un òf otro forma. Boso aporte tabata super balioso pa nos.

Nos meta ta, pa sigui desaroyá, kontribuí i invertí den e muchanan aki den 2020 tambe, ya asina mañan nan por ta bon ekipá. Pues si bo tambe ta kere ku bo por aportá na kresementu di e simianan aki i bo ke bira un Amigu di VivaKids laga nos sa na 511-8202 òf 692-9533 i nos lo splika bo kon bo tambe por bira un amigu di VivaKids. 

Pueblo di Kòrsou kompleto  i tur hende unda parti di mundu ku nan por ta por disfrutá di e videoclip nobo “Popcorn” tantu riba Youtube komo riba Facebook di VivaKids Recycleband. Like e videoclip i kompartí esaki i si bo ta deseá laga bo komentario atras. Mas ku klaro por pidi e kansion aki i tur otro kansionnan di VivaKids na tur radio emisora lokal i asina sigui duna bo aporte na e bunita I humilde proyekto aki.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: