CONCACAF U-20 CHAMPIONSHIP DIANAN 18, 20 I 22 DI FEBRÜARI AKI NA KÒRSOU DEN STADION ERGILIO HATO! E HUNGADÓNAN TA KONOSÍ!

CONCACAF U-20 CHAMPIONSHIP DIANAN 18, 20 I 22 DI FEBRÜARI AKI NA KÒRSOU DEN STADION ERGILIO HATO!

E HUNGADÓNAN TA KONOSÍ!

 

 

Preparashonnan ta kontinuá pa loke ta trata e CONCACAF U-20 Championship 2020 ku lo tuma lugá dianan 18, 20 i 22 di febrüari 2020. Riba e dianan aki Kòrsou lo ta esenario pa e promé buèlta di grupo C ku ta konsistí di Guadeloupe, Belize, St. Maarten (franses) i naturalmente Kòrsou, ku lo enfrentá otro pa mira ken lo klasifiké pa e siguiente buèlta.

Tur e partidonan aki lo tuma lugá den Stadion Ergilio Hato i entrada ta kompletamente grátis!

 

 

Skema di weganan:

 

  Fecha Orario Tim A Tim B Lugá
1 18 feb. 20 16:30 PM Guadeloupe Belize Stadion Ergilio Hato
2   19:30 PM Kòrsou St. Maarten
3 20 feb. 20 16:30 PM St. Maarten Guadeloupe
4   19:30 PM Belize Kòrsou
5 22 feb. 20 16:30 PM Belize St. Maarten
6   19:30 PM Kòrsou Guadeloupe

*St. Maarten parti franses

 

 

 

Nos selekshon nashonal kategoria U-20 ta konsistí di un grupo di 20 hungadó, di kua mitar ta hungadónan áktivo di nos Kampionato Hubenil i e otro mitar ta nos hungadónan residensiá aya na Hulanda. Riba 14 i 16 di febrüari nos hungadónan residensiá na Hulanda lo yega Kòrsou al rededor di 4’or di atardi ku buelo di KLM p’asina djòin nos hungadónan lokal i kontinuá ku e entrenamentu pa duna tur ku tin durante e kampionato aki.

 

Nos selekshon ta wòrdu dirigí pa Sr. Raul Triana Gonzalez i e ta wòrdu asistí pa

Sr. Johan de Jong ku Sr. Pablo Alomá Mark ku ta e entrenadó di e porteronan.

E masahista di nos selekshon ta Sr. Sherwin Inesia miéntras Sr. Roderick Rojer ta esun enkargá ku e materialnan. Sr. Ramfis Filet lo ta e dòkter di nos selekshon i e hefe di delegashon ta Sr.Hubert Isenia, miembro di direktiva di FFK.

 

Nos selekshon ta konsistí di e siguiente hungadónan:

 

  1. Tyrik Bodak (PSV)
  2. Gedion Meridian (Fc Volendam)
  3. Rivano Stacie
  4. Joel Thode (Vitesse)
  5. Jurendly Dovale (Subt)
  6. Tyrese Noslin (Almere City)
  7. Roshyon Anita (Centro Barber)
  8. Shiryson Albertus (Undeba)
  9. Luchently Vrutaal (Centro Barber)
  10. Johenry Lloyd (Hubentut Fortuna)
  11. Arenchelo Leito (PEC Zwolle)
  12. Urvin Lentini Caciano (Fc Emmen)
  13. Joshua Zimmerman (Almere City)
  14. Nathan Holder (Fc Utrecht)
  15. Rychaintelo Knoll (Feyenoord)
  16. Kurt De Palm (Hubentut Fortuna)
  17. Lixiangelo Martis (Hubentut Fortuna)
  18. Alrick Pantophlet (New Song)
  19. Rudian Luciana ( U.D. Tera Kòrá)
  20. Kgevin Kook (Centro Barber)

 

E invitashon ta keda vigente pa hinter pueblo di Kòrsou yega stadion pa apoyá i sostené nos hungadónan ku ta preparando duru pa por saka nos kara un biaha mas!

 

Nos ta topa dianan 18, 20 i 22 di febrüari próksimo den Stadion Ergilio Hato!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: