Brùg Koningin Juliana ta sera un ratu pa tráfiko riba djadumingu 16 di febrüari for di 8.30 di mainta 

Brùg Koningin Juliana ta sera un ratu pa tráfiko riba djadumingu 16 di febrüari for di 8.30 di mainta 

 

Willemstad – Brùg Koningin Juliana ta sera un ratu pa tráfiko riba djadumingu 16 di febrüari for di mitar di 9 di mainta (8.30am). Esaki ta relashoná ku entrada di e barku Wish Way den bahia di Santa Anna. E barku aki ta trese dos kran nobo pa CPS djadumingu awor. Pa motibunan di seguridat, ta para tráfiko riba brùg pa asina loodsnan di Havenmeester por yuda kordiná entrada di e barku ku e krannan abordo. 

 

E barku ta yega djasabra 15 di febrüari i ta plania pa drenta djadumingu 16 di febrüari. Loods ta na bordo trempan parti mainta dia 16 di febrüari. Havenmeester a reuní ku huntu Servisio pa Obra Públiko (OW) i Kuerpo Polisial Kòrsou pa kordiná entrada di e barku aki. Lo buta dos marka riba brùg Juliana pa asistí e loods ku ta na bordo. Dos loods lo ta riba brùg Juliana tambe pa yuda kordiná i Havenmeester lo kordiná den bahia di Santa Anna.

 

Lo sera ámbos via di ámbos direkshon riba brùg pa garantisá seguridat. E proseso di entrada ta unu delikado ku por tuma su tempu. Tur e profeshonalnan envolví lo hasi nan maksimo esfuerso pa esaki kana seif, sigur, i mas rapido posibel. Despues di entrada di e barku, tráfiko por sigui kore normal. OW ta pidi komunidat komprenshon den e momentu aki i lo trata na hasi esaki mas lihé posibel ku lo mínimo na molèster.  

This site uses Akismet to reduce spam. Learn how your comment data is processed.

error: Content is protected !!
%d bloggers like this: