CONCACAF U-20 CHAMPIONSHIP DIANAN 18, 20 I 22 DI FEBRÜARI DEN STADION ERGILIO HATO! E DIA A YEGA!

CONCACAF U-20 CHAMPIONSHIP DIANAN 18, 20 I 22 DI FEBRÜARI DEN STADION ERGILIO HATO!

E DIA A YEGA!

Despues di dianan di training intensivo i un periodo di preparashon ekstenso, nos selekshon nashonal kategoria U-20 lo enfrentá Saint-Martin, Belize ku Guadeloupe di grupo C, p’asina kumpli ku nan kompromisonan di e CONCACAF U-20 Championship 2020 ku lo tuma lugá dianan 18, 20 i 22 di febrüari den Stadion Ergilio Hato.

 

Tur kos ta kla pa Kòrsou enfrentá e Saint-Martin mañan, 18 di febrüari, mitar di 8 di anochi den Stadion Ergilio Hato. Esaki durante nos promé partido di e kampionato aki. Despues ku djabièrnè i djadumingu último nos hungadónan residensiá den eksterior a yega Kòrsou i djòin nos hungadónan lokal, e ‘trainingnan’ a kontinuá pa e partido importante aki. Awe nos selekshon ta tin su delaster training i nos hungadónan ta mentalmente i físikamente bon prepará pa saka nos kara mañan.

 

 

Skema di weganan:

 

	Fecha	Orario	Tim A	Tim B	Lugá
1	18 feb. 20	16:30 PM	Guadeloupe	Belize	Stadion Ergilio Hato
2		19:30 PM	Kòrsou	Saint-Martin
3	20 feb. 20	16:30 PM	Saint-Martin	Guadeloupe
4		19:30 PM	Belize	Kòrsou
5	22 feb. 20	16:30 PM	Belize	Saint-Martin
6		19:30 PM	Kòrsou	Guadeloupe

 

Nos Promé Minister Sr. Eugene Rhuggenaath a hasi un bishita na nos selekshon pa duna nos hungadónan su sosten i duna algun palabra di enkurashamentu pa e partido importante di mañan!

E dia a yega kaminda Kòrsou por presensiá e inisio di e CONCACAF U-20 Championship 2020! Awor ta ora pa hinter pueblo di Kòrsou yega stadion pa apoyá i sostené nos hungadónan di U-20 ku ta kla pa nos promé partido kontra Saint-Martin!

 

Nos selekshon ta konta ku bo durante e CONCACAF U-20 Championship 2020!

Kòrda ku tur e partidonana aki ta grátis!

 

17 febrüari 2020