KÒRSOU KU PARTIDO DESISIVO KONTRA GUADELOUPE DURANTE E ÚLTIMO FECHA DI E CONCACAF U-20 CHAMPIONSHIP! 

KÒRSOU KU PARTIDO DESISIVO KONTRA GUADELOUPE DURANTE E ÚLTIMO FECHA DI E CONCACAF U-20 CHAMPIONSHIP! 

 

 

Mañan, djasabra 22 di febrüari, lo tin un partido krusial entre Kòrsou i Guadeloupe ku lo determiná ken lo klasifiká pa e segundo buèlta di e CONCACAF U-20 Championship.

Manera ya ta konosí, ayera tambe nos a logra un viktoria durante nos segundo enkuentro di e kampionato aki, ganando di Belize ku skor di 2-1. Ámbos gol a keda anotá pa Luchently Vrutaal. Den e enkuentro promé ku nos, Guadeloupe a gana di Saint-Martin ku skor di 4-1. Pues awor tantu Kòrsou komo Guadeloupe tin 6 punto i ta bai buska nan klasifikashon durante e partido di mañan. Un tabla lo bula mañan den Stadion Ergilio Hato durante e último partido di CONCACAF U-20 Championship.

 

 

Resultado di weganan:

 

Fecha	Tim A	Tim B	Resultado
18 feb. 20	Guadeloupe	Belize	6-0
	Kòrsou	Saint-Martin	5-0
20 feb. 20	Saint-Martin	Guadeloupe	1-4
	Belize	Kòrsou	1-2

 

Tabla di Posishon:

 

		WH	WG	WE	WP	GF	GK	Saldo	Punto
1	Guadeloupe	2	2	0	0	10	1	9	6
2	Kòrsou	2	2	0	0	7	1	6	6
3	Belize	2	0	0	2	1	8	-7	0
4	Saint-Martin	2	0	0	2	1	9	-8	0

 

Skema di weganan:

 

Fecha	Orario	Tim A	Tim B	Lugá
22 feb. 20	16:30 PM	Belize	Saint-Martin	Stadion Ergilio Hato
	19:30 PM	Kòrsou	Guadeloupe

 

 

Mañan ta ‘do or die’ pa nos selekshon nashonal kategoria U-20!  Nos mester di un viktoria pa nos keda den kontienda pa ku e kampionato aki! P’esei mes ta esensial pa hinter pueblo di Kòrsou basha bin stadion un biaha mas pa bin apoyá nos hungadónan ku mester di nos apoyo i sosten pa e partido importante aki kontra Guadeloupe mañan!

 

Kòrda ku tur e partidonana aki ta grátis!

Nos ta konta ku bo!

 

21 febrüari 2020