Pronóstiko di tempu pa Kòrsou i bisindario bálido te djadumingu mainta 6:00 o.l., 23 di febrüari 2020.

Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l., 23 di febrüari 2020.
Kompilá: djasabra 22 di febrüari 2020, 05:00 o.l. (09:00 UTC).

Tempu: Shelu ta leve te parsialmente nublá i awe wer ta keda seku. Miéntras nubianan tempran riba djadumingu por laga algu di awa kai lokalmente.

Temperatura máksimo lo alkansá 31ºC i temperatura mínimo 25ºC.
Solo ta sali 06:55 i ta baha 18:44 o.l.

Bientu: Direkshon por lo general ost i moderá; forsa 3 te 4 (12 te 30 km/ora, 7 te 16 nudo). Posibel ráfaga te basta fuerte; forsa 5 (31 te 39 km/ora, 17 te 21 nudo).

Situashon general: Airu seku i stabil den nos área lo stroba desaroyo di áwaseru signifikante riba e isla. Tambe fluho di bientu suave asosiá ku un patronchi di preshon suak lo persistí durante di e fin di siman aki.

Kondishon di laman: Trankil te moderá ku altura di olanan entre 0.5 i 1.5 meter (2 pa 4 pia). E olanan di mas haltu lo ta riba laman pegá ku e kosta na nort.

Fenómeno spesial: Ningun.

Perspektiva te djaluna mainta: No ta premirá muchu kambio den e wer.

Meteorólogo: Coffie.