William Millerson ta na New York komo parti di e delegashon di Reino bishitando Nashon Uni.
William Millerson ta na New York komo parti di e delegashon di Reino bishitando Nashon Uni.
E siman aki William Millerson, Presidente di Parlamento di Kòrsou a biaha pa New York pa asina por forma parti di e delegashon di Reino bishitando Nashonnan Uni (United Nations).
Djaluna último e delegashon a wòrdu informá dor di representantenan di un fundashon i tambe di International Crisis Group riba diferente tema. Tambe a partisipá na un presentashon di profeshonalnan di Hulanda na Nashonnan Uni riba prioridatnan di Reino den Nashonnan Uni.
Den tur reunion a asentuá e importansia di “Sustainable Development Goals” (SDG) i tambe kombatimentu di terorismo.
Otro punto importante ku a wòrdu ampliamente diskutí ta e echo ku lo bai pone enfoke spesial riba digitalisashon. Tambe tabata tin presentashon riba cyber security i cyber crime i kon pa kombatí e menasanan ku esakinan ta trese.
Hopi énfasis a wòrdu pone riba trabounan di United Nations pa mantené pas na espesialmente paisnan di kontinente Afrikano i na Medio Oriente.
Tambe a haña informashon riba seguridat, retonan i solushon pa desaroyo digital. E tema nan di problemanan di klima, desaroyo sostenibel, krísis humanitario i e krísis di Venezuela tambe a keda deliberá.
E bishita na New York ta di djaluna te ku djaweps.
Presidente di Parlamento,
- ing. W. W. Millerson
