Detenshon pa intento di atrako.

KOMUNIKADO DI PRENSA 094/ 2020
2 mart 2020
Detenshon pa intento di atrako.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 2 di mart 2020 alrededor di 18.44’or, a drenta informashon na Sentral di
Polis ku den Oosterbeekstraat un atrako a tuma lugá den un minimarket.
E unidat polisial ku a yega na e sitio a kuminsá ku un investigashon preliminar. A
resultá ku un hòmber ku kuchu den man a presentá na e minimarket ku intenshon
pa kometé un atrako pero no a logra su meta i a kore bai for di e sitio.
Polis a hasi un búskeda den e área i den un santana den Roermondtstraat a detené e
hòmber sospechoso G.R.A.D.P., nasé na Kòrsou di 18 aña di edat, pa e intento di
atrako.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.