CONCACAF KU TREMENDO ‘WORKSHOP’ PA DIREKTIVA DI FFK DEN WIKÈNT TRAS DI LOMBA!

CONCACAF KU TREMENDO ‘WORKSHOP’ PA DIREKTIVA DI FFK DEN WIKÈNT TRAS DI LOMBA!

 

 

Den transkurso di aña nan, CONCACAF i FIFA a bin ta traha duru riba e desaroyo di futbòl serka tur nan miembronan. Esaki no por keda konkretisá sin un bon direktiva ku ta e órgano mas haltu den un federashon di futbòl. P’esei mes pa algun tempu kaba CONCACAF ta organisando e ‘CONCACAF Executive Mentorship Program’. Esaki ta un ‘workshop’ spesial pa e direktiva i sekretarionan general ku lo wòrdu duná na e 41 miembronan di CONCACAF rònt mundu.

Den wikènt tras di lomba a toka turno na e direktiva di FFK pa sigui e ‘workshop’ aki organisá pa CONCACAF. Meta di e ‘workshop’ aki ta pa eduká e kabesantenan di e federashonnan i duna nan diferente metodo ku forma di maneho p’ asina nan por dirihí e federashon di nan pais na un manera mas efektivo.

 

Durante e ‘workshop’ a trata temanan manera:

  • Liderasgo
  • E ròl di un miembro di direktiva
  • Maneho
  • ‘Strategic planning’
  • ‘Risk Management’

 

E kurso tabata na enkargo di Howard McIntosh, Horace Reid i John Krisnadath ku ta ekspertonan di CONCACAF riba e tema ariba menshoná. E ‘workshop’ aki a tuma lugá riba 29 di febrüari i promé di mart for di mainta te ku atardi den sala Richard Th. Curiel na FFK.

Un i tur ku a tuma parti na e kurso aki a sali ku informashon balioso ku sigur lo wòrdu poné den práktika pa adelanto di Federashon Futbòl Kòrsou i e futbòl en general aki na Kòrsou.

 

3 mart 2020

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: