Den cuadro di algun suceso den Carnaval: Minister Glenbert Croes a reuni cu Opvoedcommissie, SCP y KPA pa un plan pa Campamento

Den cuadro di algun suceso den Carnaval:

Minister Glenbert Croes a reuni cu Opvoedcommissie, SCP y KPA pa un plan pa Campamento

E ta keda nos deber como adulto, mayor y Gobernantenan pa crea consciencia, brinda siguridad y duna apoyo na nos muchanan ora cu mas nan mester di nos.

E ta nos deber como adulto, mayor y Gobernante pa duna guia, alerta nos muchanan riba posibel peliger, pa informa nan di kico por haci den situacionnan fastioso, empoderando nan cu conocimento pa asina evita cu nos muchanan ta bira victima di manipulacion cu mayoria di bes ta conduci na abuso.

Ainda ta fresco den memoria e tremendo campaΓ±a cu SCP a presenta den temporada di Carnaval cu a haya su atencion y acogida mereci. Tin cu tabata di acuerdo, tin cu tabata contra di e campaΓ±a. Pero e meta primordial tabata pa proteha nos muchanan.Β 

Durante dicho reunion for di KPA tambe a bin un tremendo iniciativa cu lo bira un condicion ora di eventonan publico. E team di SCP tambe tin su campaΓ±a prepara pa temporada di campamento. Opvoedcommissie cu ta consisti di tur instancia concerni a presidi e reunion y ta apoya esaki tambe. Conhuntamente sigur lo logra mas pa siguridad di nos muchanan. #HuntoNosTaLogra

5 maart 2020

This site uses Akismet to reduce spam. Learn how your comment data is processed.

%d bloggers like this: