Tópiko: Rapòrt devastador di Kontrolaria General riba e proseso ku a ser hiba pa otorgá na kasa di un Minister den funshon e tarea di duna un kurso di “Bachelor” na miembronan di kuerpo polisial pa e suma di 5.6 mion florin.

Willemstad, 11 di mart 2020

 

Na Presidente di Parlamento

Señor W. Millerson

P/a Wilhelminaplein # 4

PRESENTE

 

Tópiko: Rapòrt devastador di Kontrolaria General riba e proseso ku a ser hiba pa otorgá na kasa di un Minister den funshon e tarea di duna un kurso di “Bachelor” na miembronan di kuerpo polisial pa e suma di 5.6 mion florin.

 

Señor Presidente,

 

Suskritonan ta hasi uso di artíkulo 64 di Reglamentu di Ordu (RvO) di Parlamento i ta aserka bo persona pa yama un reunion públiko ku e punto di agènda ariba menshoná. 

 

Frakshon di MFK den Parlamento a tuma nota di e rapòrt ku Kontrolaria General a a emití riba enkargo di Parlamento riba e forma kon a atendé ku e trayekto pa un universidat transnashonal na kasa di un Minister den funshon bai duna kurso di “Bachelor” na miembronan di kuerpo polisial.

 

E rapòrt aki di Kontrolaria General a demonstrá, ku ta tur kos a wòrdu hasi robes den e trayekto aki, violashon di nos leinan tabata al órden di dia. E úniko konklushon ku por saka for di e rapòrt aki ta ku a trata ku alma i kurpa pa regla un pastechi pa kasa di e Minister den funshon i konsekuentemente e Minister tambe lo wòrdu benefisiá di esaki.

 

Pero danki na e reklamonan fuerte di parti di frakshon di MFK, nos frakshon a logra ku Parlamento a pasa un moshon pa laga Kontrolaria General hasi un investigashon. I awe nos por mira ku frakshon di MFK a haña rason ku tabatin diferente violashon di lei relashoná ku e mal intenshon aki di parti di gobernantenan pa duna un universidat kual su direkshon ta registrá na kas di e Minister, un trabou ku lo a kosta komunidat 5.6 mion florin.

 

Frakshon di MFK pa medio di esaki ta pidi Presidente di Parlamento invitá Minister presidente Eugene Rhuggenaath, Minister di hustisia Quincy Girigorie pa ta presente pa asina Parlamento por debatí ku nan riba e rapòrt aki i skucha di e Ministernan kua ta e pasonan ku nan lo tuma pa pone esnan responsabel paga pa e violashonnan aki. Tambe pa informá Parlamento kua lo ta e akshonnan ku gobiernu lo tuma pa tipo di intenshonnan di estafa asina aki no tuma lugá nunka mas riba kustia di pueblo.

 

Atentamente,

Gilmar Pisas Charles Cooper Juniël Carolina

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: