Concacaf a posponé Concacaf Caribbean Club Shield 2020

Concacaf a posponé Concacaf Caribbean Club Shield 2020

 

Pa medio di e komunikado aki mi ta partisipá boso ku e Local Organizing Committee ku ta organisando e torneo di Concacaf Caribbean Club Shield 2020 aki na Kòrsou a risibí un komunikado di Concacaf dirigí na tur federashon ku ta kai bou di nan organisashon, informando ku e torneo ariba menshoná a keda posponé.

Den kuadro di e tempu aktual, teniendo kuenta ku salu públiko i e preokupashon global relashoná ku e COVID-19 (Corona Virus), Concacaf a tene un reunion ayera, 12 di mart 2020, ku e Concacaf Council i a tuma e desishon ku lo suspendé, posponé i kanselá diferente evento. Den kaso di e Concacaf Caribbean Club Shield 2020, Concacaf a disidí na posponé e evento aki ku lo a tuma lugá na Kòrsou di 3 pa 12 di aprel próksimo.

Motibu pa posponé e torneo aki tambe tabata ku biahamentu di diferente pais pa yega Kòrsou a bira un desafio teniendo kuenta ku desishonnan relashoná ku biahamentu i e rísiko pa ku salu públiko. Concacaf lo konsiderá areglonan alternativo na e momentu apropiá i komuniká esaki na su debido tempu.

E desishon pa posponé, suspendé i asta kanselá diferente evento di Concacaf tabata un desishon difísil pa tuma pero teniendo kuenta ku salu públiko i rekomendashonnan risibí, Concacaf i nos di e Local Organizing Committee ta spera di por konta ku komprenshon i koperashon pa e situashon ku a surgi.

 

Na nòmber di Federashon Futbòl Kòrsou, mi ta uni mi mes na e último aki i ta spera di por konta ku e komprenshon pa ku awor i e sosten den futuro pa ku e Concacaf Caribbean Club Shield aki na Kòrsou. Na momento ku tin un desishon definitivo i nos risibí esaki, nos lo informá prensa i komunidat al respekto.

 

Un saludo deportivo,

 

Shaheen Elhage

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: