Detenshon pa intento di atrako.

KOMUNIKADO DI PRENSA 108/ 2020
12 mart 2020
Detenshon pa intento di atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 12 di mart 2020 alrededor di 09.07’or, a drenta informashon na Sentral di
Polis ku den Stenen Koraal un atrako a tuma lugá na un garashi.
E unidat polisial ku a yega na e sitio a kuminsá ku un investigashon preliminar.
A resultá ku tres hòmber di kua dos ku arma di kandela a sorprendé doño di e
garashi i bou di menasa ku arma di kandela a pidi pa sèn. Un di e sospechosonan a
maltratá doño di e garashi na su kara i a kuminsá un forsageo entre nan dos.
E víktima a logra kore bai for di e sospechosonan pa pidi yudansa. Dado momento e
tres sospechosonan tambe a kore bai for di e sitio.
Polis a kuminsá ku un búskeda den e área i a detené den Stenen Koraal dos di e
sospechosonan i den Kanga e otro.
Ta trata di e hòmbernan:
 E.J.C.C., di 32 aña di edat;
 A.R.R.F., di 37 aña di edat, ámbos nasé na Venezuela;
 R.B.D., di 20 aña di edat, nasé na Kòrsou.
A presentá tur e sospechosonan dilanti un Fiskal Ouksiliar ku a ordená nan
enkarselamentu pendiente di mas investigashon.