KOMUNIKADO DI KUERPO POLISIAL KÒRSOU Kontrolnan dirigí riba establesimentunan i sitionan ku aglomerashon.

KOMUNIKADO DI PRENSA 120/ 2020
22 mart 2020
Kontrolnan dirigí riba establesimentunan i sitionan ku aglomerashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
No opstante e petishon di gobièrnu na komunidat, pa evitá aglomerashon i apliká
distansia sosial, polis for di den oranan di ayera mèrdia te ku awe a i ta risibiendo
yamadanan di siudadanonan ku ta mèldu sitionan unda tin aglomerashon di
persona.
Na Callcenter di polis (917) durante di e periodo ariba menshoná a drenta un
kantidat di alrededor di 57 yamada.
Esaki aparte di sitionan i establesimentunan unda ku unidatnan polisial mes durante
di nan patruya ta konstatá situashonnan ku por wòrdu konsiderá komo sumamente
iresponsabel.
Aparte di e yamadanan ku polis a haña i a atendé e diferente personanan na e
sitionan indiká, polis a forma parti tambe di e tim multi disiplinario ku huntu ku
personal di MEO i SBAB a kontrolá dirigí riba algun establesimentu pa ku otro
infrakshonnan.
Na vários di e establesimentunan aki tambe a atendé ku e aglomerashonnan ku
tabatin òf negligensia di distansia sosial.
Kuerpo Polisial ke enfatisá ku e kontrolnan aki ta kontinuá i ke pidi tur siudadano pa
laga nos ban kuida otro i evitá di akudí na sitionan públiko innesesariamente.