Den kuadro di COVID-19, Ministerio di Tráfiko, Transporte i Planifikashon Urbano ta adaptá su servisio na kliente

Den kuadro di COVID-19, Ministerio di Tráfiko, Transporte i Planifikashon Urbano ta adaptá su servisio na kliente

Geplaatst op 23 March 2020 dor di Ministerio Tráfiko, Transporte i Planifikashon Urbano

Willemstad – Relashoná ku desaroyo di e vírùs COVID-19, Ministerio di Tráfiko, Transporte i Planifikashon Urbano ta kontinuá ku su servisio na un forma adaptá te próksimo aviso. Aki bou un lista ku informashon di nos orario i òf servisionan adaptá.

Domeinbeheer:
Pa tur servisio di Domeinbeheer públiko por yama na 0800-1919 òf manda e-mail na info.domeinbeheer@gobiernu.cw i Domeinbeheer ta kapasitá pa atendé tur yamada i petishon di e forma aki. Sentro di Servisio pa públiko ta sera.

UOVV:
Ta mantené tur kliente para den rei pafó, mirando e espasio chikitu ku e servisio tin. Ta risibí un kantidat limita di kliente parti paden di e edifisio. Tambe a instruí tur kurmeester pa no drenta físikamente mas den vehíkulonan ku ta bin kùr. Pa loke ta trata transporte públiko por yama na 839-2073.

UOOW:
No ta risibí kliente ku no tin sita. Na pòrtir pafó, e persona ta yama OW pa wak kon ta atendé.  Klientenan ku si tin sita, ta keda trata na balie pero mester mantené distansia. Pa mas informashon por yama 433-4122.

ROP:
Servisio pa Planifikashon Urbano ROP (ántes DROV) ta anunsiá tur kliente tin ku traha un sita pa asina por risibi servisio di e organisashon. E bali na Plasa Horacio Hoyer 19 ta habri solamente pa kliente ku a traha nan sita via di un di e siguiente medionan. Pa un miho servisio i pa soru ku e komunikashon ta keda dokumenta, por  manda whats-app na 511-3874 òf e-mail na info.rop@gobiernu.cw pa asina traha e sita.