Reglanan di Landsrecherche Curaçao pa garantisá social distancing

Reglanan di Landsrecherche Curaçao pa garantisá social distancing

Geplaatst op 23 March 2020 dor di Ministerio Hustisia

Relashoná ku presensia di e virus COVID-19 (Corona virus) den nos pais i e medidanan ku Gobièrnu di Kòrsou a tuma pa garantisá ku trahadonan di gobièrnu i pueblo di Kòrsou en general no ta keda infektá ku e virus aki, Landsrecherche Curaçao (LrC) ta tuma e sigiente medidanan te ku otro aviso:

  • Entrante djaluna 23 di mart 2020 NO por entregá denunsia personalmente na ofisina di LrC den Skaló. Den kaso ku un persona ke hasi un denunsia e por hasi esaki temporalmente via di e emailadres: info@landsrecherche.cw . Mester menshoná ku ta trata di un denunsia i tambe nòmber kompletu, adrès i number di telefòn di e denunsiante.
  • Den kaso ku bo ser yamá pa un sita pa ser tendé (verhoor) i tin sintomanan manera problema ku halament’i rosea, tosamentu seku o kayente di kurpa sea asina bon pa mèldu esaki na esun ku a tuma kontakto kubo.
  • Si riba e dia ku bo tin sita pa ser tendé (verhoor) i tin sintomanan manera problema ku halament’i rosea, tosamentu seku o kayente di kurpa sea asina bon pa tuma kontakto telefónikamente na tempu ku LrC.
  • Personanan ku ta deseá di risibí o duna kualke informashon relashoná ku trabounan di LrC por hasi esaki telefónikamente durante oranan di ofisina.
  • Personanan ku ke drenta den kontakto ku personal di LrC, mester traha un sita delantá via di telefòn durante oranan di ofisina.
  • Tur kontakto telefóniko mester tuma lugá via di e number di telefòn:

—- 4650402 —-

Nos di LrC ta hasi tur nos esfuerso pa kumpli ku reglanan ku te garantisá e asina yamá social distancing i ta pidi komprenshon pa e kambionan aki sperando ku tan pronto nos lo por bai bèk na òrdu di dia.

Kòrsou 20 mart 2020

This site uses Akismet to reduce spam. Learn how your comment data is processed.

error: Content is protected !!
%d bloggers like this: