Fabrikanan lokal ta di vital importansia den tempu di krisis
Fabrikanan lokal ta di vital importansia den tempu di krisis
Ta huntu ku Gobièrnu, sektor empresarial por logra mantenshon di empleo.
Curaçao Manufacturers Association (CMA), e asosiashon ku ta representá fabrikanan
lokal, ta hasi un yamada na tur esnan enbolbí pa hasi uso di e okashon aki di e krisis di
COVID-19, pa reforsá produkshon i konsumo di produkto lokal. E krisis aktual ta mustra
kon importante ta pa kada pais tin un grado di produkshon i kultivo lokal di produktonan
vital di konsumo i di higiena. CMA ta di opinion ku ta importante pa introdusí un pakete di
medida ku ta tene kuenta ku nesesidat di e sektor aki tambe.
CMA ta mustra riba e echo ku mundialmente e realisashon ta kresiendo ku supstitushon di
importashon (importvervanging) ya no ta un konsepto malu mas. Den e kuadro ei CMA ta
sostené e posishon di Minister di Ekonomia sra. Giselle Mc William i Minister di Salubridat
sra. Suzanne Camelia-Romer, pa na Kòrsou tambe enkurashá uso di produktonan lokal.
Sektor industrial lokal ta un sektor ekonómiko sumamente importante pa nos merkado,
mirando e kantidat di persona ku e ta empleá, e huida di devisa ku e ta evitá pa medio di
supstitushon di importashon, e invershonnan ku tin den e sektor i e kantidat di devisa ku ta
generá ku eksportashon. Esaki ta un sektor ku alabes ta bende pa un gran parti ku sektor di
turismo i komo tal ta duna un aporte kuantioso na desaroyo di nos turismo.
Aktualmente nos merkado tin un produkshon limitá di produkto lokal, despues ku mayoria
di e fabrikanan lokal a sera. Un sondeo ku CMA a hasi e siman aki bou di su miembronan, ta
mustra ku ounke serka nan tambe mayoría su benta a baha, tin algun ku su benta a subi.
Esaki ta bin pasobra nan ta traha produkto pa kual aktualmente tin un demanda grandi
manera papel higiéniko, towel di papel, hand sanitizer, alkolado, habon, Clorox ets.
Ainda e fabrikanan tin sufisiente produkshon pa merkado lokal, e asosiashon ta buskando
huntu ku gobiernu, posibilidatnan pa por sigui garantisá importashon di materia prima, pa
asina nan por sigui produsí e kantindat ku nos merkado ta pidi. Meta prinsipal den esaki ta
pa evitá ku lo surgi skarsedat.
Pa loke ta trata e pakete di medida di alivio ku gobièrnu a presentá, e fabrikantenan ta mir’é
komo un promé parti di e pakete total. E sondeo bou di e fabrikantenan a mustra kaba ku pa
kuminsá 277 persona ta bai pèrde trabou fin di luna di Mart, si no bin un mihó perspektiva.
Pa sektor industrial ku ta un sektor di sumo interes pa ekonomia di Kòrsou, ta krusial
introdusí medidanan ku ta garantisá mantenshon di kupo di trabou. Eksperensianan mundial
ku krisis ekonómiko a demonstrá ku si den e momentu di krisis, empresanan kita personal,
despues ta bira hopi mas difisil pa lanta ekonomia bèk, ora situashon drecha. P’esei CMA ke
pa kueste loke kueste hasi tur loke ta posibel pa mantené kupo di trabou. Esaki por logra
solamente si e ta un esfuerso konhuntu di Sektor Privá huntu ku Gobièrnu. Sektor Privá no
por hasié su so.
Aktualmente CMA ta trahando riba, i ta boga pa introdusí un proposishon di medida di alivio
alternativo pa por garantisá empleo i invershon den e sektor. CMA ta proponé alabes pa usa
