PARTISIPASHON DI DIREKTIVA DI FFK EN KONEKSHON KU COVID-19! 

PARTISIPASHON DI DIREKTIVA DI FFK EN KONEKSHON KU COVID-19! 

 

Mirando e desaroyonan nobo rondó di e COVID-19 mihó konosí komo Corona Virus, FFK ta mantené e desishon pa tene tur fasilidat di FFK será te un próksimo aviso. Esaki pa evitá aglomerashon di hende i pa kumpli ku e medida implementá pa Gobièrnu pa mantené distansia sosial. Nos ta disponibel i lo sigui duna servisio apesar ku nos ofisina lo ta será pa kliente, via di nos medionan sosial, ‘e-mail’ i ‘What’s App’ manera nos a avisá den nos komunikadonan anterior.

 

Awor mas ku nunka nos lo keda vigilá e desaroyonan rondó di e virus aki i i lo kumpli ku e desishonnan di nos gobernantenan pa ku e problematika aki. Pa kualke kambio nos lo komuniká esaki via nos kanalnan usual.

 

Kòrda kuida kurpa, protehá bo mes i nos pueblo!

Direktiva FFK

 

26 mart 2020