Detenshon pa maltrato.

KOMUNIKADO DI PRENSA 143 / 2020
6 aprel 2020
Detenshon pa maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 4 di aprel último, polis kumpliendo ku su labor pa atendé ku kasonan di
aglomerashon di persona den kuadro di medidanan stipulá relashoná ku Covid-19, a
bai den Kaya Meteorológico unda tabatin informashon di personanan riba kaya.
Na momentu ku polis tabata atendé ku e grupo di habitantenan aki, for di diferente
direkshon piedra i bòter a kuminsá kai riba e agentenan.
Esei tabata motibu pa pidi Sentral di Polis refuerso pa e unidat i mesora un kantidat
grandi di unidat polisial a subi riba Ser’i Papaya.
Durante ku piedra i bòter tabata kai, un agente a keda heridá ku bòter na altura di su
kabes i tabata nesesario pa el a risibí tratamentu médiko na CMC.
Despues ku e situashon tabata bou di kontrol i ku tur habitante a bai paden, polis a
bandoná e bario.
Un dia despues, tabata sirkulá un video di un hóben habitante di Ser’i Papaya, ku
tabata apoyá i disfrutá di e echo ku polis a keda tirá ku piedra i bòter i tambe tabata
ekspresá su mes hopi sin respèt kontra di e agentenan.
Kontinuando ku e investigashon, djaluna dia 6 di aprel 2020 den oranan di atardi,
despues di a plania un akshon, huntu ku Defensa Hulandes i Kmar, a subi riba Ser’i
Papaya pa atendé ku e situashon di aglomerashon den e bario i pa hasi detenshon di
esun ku ta responsabel pa e maltrato di e agente, e djasabra anterior.
Den Kaya Nubia a topa ku e hòmber sospechoso C.S.M.L. di 20 aña di edat nase na
Kòrsou ku tabata wòrdu buská aki, riba un crosser i a detené pa e maltrato ariba
menshoná.
El a keda presentá dilanti di un fiskal ouksiliar ku a ordená su enkarselamentu
pendiente di mas investigashon.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: