Detenshon i repartishon di but durante di kontrol ‘Toque de queda’.
KOMUNIKADO DI PRENSA 154 / 2020
16 aprel 2020
Detenshon i repartishon di but durante di kontrol ‘Toque de queda’.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis ta kontinuá diariamente ku kontrolnan den kuadro di medidanan relashoná ku Covid19.
E kontrolnan aki ta varia di esnan riba establesimentunan, personanan ku ta move riba
kamindanan públiko, aglomerashon na sitionan, ‘roadblocks’ te na kontrolnan regular en
konekshon ku otro aktividatnan kriminal.
Djarason 15 di aprel 2020, na diferente sitio a pone ‘roadblock’, di manera ku por a kontrolá
si tur e personanan ku na e momentu ei tabata riba kaya, sea tabatin un eksonerashon òf
por a proba di otro forma ku nan ta riba kaya pa un motibu di urgensia.
Den oranan di atardi pa anochi polis a realisá shete (7) detenshon di personanan ku no por
a hustifiká nan presensia riba kaya.
Awe mardugá un persona a risibí un prosès verbal pa motibu ku e tampoko por a duna un
deklarashon satisfaktorio di su presensia riba kaya.
E kontrolnan aki tantu durante di dia (‘shelter in place’) i anochi (‘toque de queda’) ta
kontinuá.