Konsierto ‘One World:Together At Home’ lo keda presentá riba tur plataforma di Digicel
Konsierto ‘One World:Together At Home’
lo keda presentá riba tur plataforma di Digicel
Konsierto lo inkluí presentashon di artistanan ku taya mundial!
WILLEMSTAD: Digicel ta anunsiá un konsierto mundial titulá ‘One World: Together At Home’. E konsierto spesial lo keda televisá i di stream riba djasabra dia 18 di aprel pa 3’or di atardi komo sosten na e lucha kontra di COVID-19. E lo ta optenibel su siguiente dia riba D’Music.
E konsierto, un inisiativa di Global Citizen i World Health Organization lo demostrá union entre tur esnan ku a keda afektá pa e pandemia COVID019 i lo selebrá i sostené e kurashi di trahadónan den kuido médiko i esnan promé yama, hasiendo un trabou di ‘salba bida’. ‘One World: Together At Home’ organisá i den kolaborashon ku Lady Gaga lo inkluí presentashon di Alicia Keys, Amy Poehler, Andrea Bocelli, Awkafina, Billie Eilish, Billie Joe Armstrong of Green Day, Burna Boy, Camila Cabello, Celine Dion, Chris Martin, David & Victoria Beckham, Eddie Vedder, Ellen DeGeneres, Elton John, FINNEAS, Idris and Sabrina Elba, J Balvin, Jennifer Lopez, John Legend, Kacey Musgraves, Keith Urban, Kerry Washington, Lang Lang, LL Cool J, Lupita Nyong’o, Maluma, Matthew McConaughey, Oprah Winfrey, Paul McCartney, Pharrell Williams, Priyanka Chopra Jones, Sam Smith, Shah Rukh Khan, Shawn Mendes, Stevie Wonder, Taylor Swift, i Usher.
Komentando riba e partnership, sr. Dennis O’Brien presidente di Digicel Group a bisa; “Na Digicel, nos mishon ta pa yuda krea un mundu na unda niun hende ta wòrdu lagá atras. Esaki ta keda manifestá den nos trabounan pa konektá hende den tur nos merkadonan usando teknologia di klase mundial i pa konektá komunidatnan via di nos aktividatnan filantrópiko.”
E ta kontinuá bisando, ku “Riba djasabra 18 di aprel nos lo eksperensiá un momentu poderoso di union ora ku nos tur bini huntu pa selebrá tur esnan promé yamá, i trahadónan den kuido médiko ku ta pone nan labor dilanti nan propio seguridat tur dia. Miéntras nos ta selebrá nan esfuersonan heroiko ‘One World: Together At Home’ lo inspirá, informá i entretené e públiko na kas, ku kedando na kas tambe ta hungando un ròl importante den e lucha kontra di e pandemia. E famia di Digicel ta masha agradesido pa e esfuerso inkreibel di tur esnan envolví, i honrá pa forma parti di e selebrashon i di por kompartí esaki ku tur hende den region Karibe, Sentroamérika i Asia Pasífiko.”
‘One World: Together At Home’ no ta un téletòn- sino un evento históriko, i e promé konsierto ku un transmishon global pa selebrá esfuersonan heroiko di tur esnan promé yamá, i trahadónan den kuido médiko, i pa sostené World Health Organization den su lucha pa kaba ku COVID-19. E produkshon lo presentá ademas di músika, entrevistanan ku trahadónan den sektor di kuido médiko, i otro organisashonnan ku ta sostené e lucha dor di ekipá e trahadónan rònt mundu ku ekiponan importante, i fundashonnan lokal ku ta proveé kuminda, shèlter i kuido médiko na esnan ku mas mester di dje.
Pa mas informashon tokante di Global Citizen i su kampaña pa sostené COVID-19 Solidarity Response Fund pa WHO empoderá dor di UN Foundation, bishitá globalcitizen.org i sigui @GlblCtzn riba Twitter, Facebook i Instagram usando #GlobalCitizen.
Pa mas informashon tokante di WHO i su kampaña pa sostené COVID-19 Solidarity Response Fund bishitá http://www.who.int/COVID-19 i sigui @WHO riba Twitter, Facebook, Instagram, LinkedIn i TikTok
Pa mas informashon kon pa bo sintonisá bishitá http://www.globalcitizen.org/togetherathome
