Pueblo di Kòrsou a kumpli i ta kedando den kas i kumpli ku instrukshon nan, pa nos mes bienestar

Pueblo di Kòrsou a kumpli i ta kedando den kas i kumpli ku instrukshon nan, pa nos mes bienestar

 

Suskrito Juniël Carolina, parlamentario pa Frakshon MFK, pa medio di esaki, ta felisitá komunidat di Kòrsou, pa kontribuí na e reglanan di keda den kas. 

 

Esaki ta un rekorido, ku suskrito a realisá koriendo di Bándariba te  Bándabou.  

 

Resultado di esaki ta, ku durante di e ruta a enkontrá 13 vehíkulo, 1 patruya di Polis i 3 peaton.

 

Esaki ta mustra i ta un indikashon, ku komunidat a kumpli i tin e kombatimentu di e Coronavirus na serio.

 

Den kuadro di esaki, suskrito parlamentario, Juniël Carolina ta hasi siguiente petishon na Gobiernu di Kòrsou pa;

 

1. kòrda riba partinan di komunidat ku ainda no tin akseso na awa
2. kòrda riba e hendenan di ménos rekurso, pa alimentashon i produktonan di higiena
3. kòrda riba esnan, ku a pèrdè trabou i  esnan, ku no por traha
4. kòrda riba personanan indokumentá i finalmente
5. kòrda riba esnan, ku a sinti e efekto sosial/finansiero, pa loke ta trata Coronavirus 19. 

Suskrito ta felisitá tambe tur persona, ku di un òf otro motibu di vital importansia, mester a laborá. 

 

Tambe suskrito ta deseá un pronto rekuperashon na tur persona, ku ta afektá, ku e  Coronavirus. Forsa na famianan. 

 

Un súplika ta bai na komunidat di Kòrsou, pa sigui e instrukshon di laba man i keda den kas. 

 

Asina  huntu nos por sigui kombatí i tene Coronavirus leu for di Kòrsou!

 

Atentamente,

 

Kòrsou 6 di aprel 2020,

 

Juniël Carolina

Miembro di Parlamento

pa frakshon di MFK