2 kaso  di tiroteo na Hulanda, Dordrecht

2 kaso  di tiroteo na Hulanda, Dordrecht 
Den marduga di djasabra pa djadumingu 01.10or tabata tin un kaso di tiroteo ku a tuma lugá na Spirea den Dordrecht. Un hòmber a resultá heridá a konsekuensia di herida di bala ku el a risibí. Su situashon no tabata mustra kritiko. Despues di a keda tratá na e sitio pa personal di ambulans el a keda transportá ku urgensia pa hospital bou di kustodia polisial. Mas trempan djasabra anochi tambe tabata tin un otro kaso di tiroteo ku a tuma lugá den Dordrecht. A konsekuensia di e tiroteo aki, e viktima a fayesé na e sitio. Investigashon ta tuma lugá pa averigua si ambos kaso di tiroteo tin di haber ku otro.Pas na alma di e defuntu.