Stewardess Margareth Abraham póstumamente honorá
Stewardess Margareth Abraham póstumamente honorá
Geplaatst op 02 May 2020 dor di Ministerio Asuntunan General i Promé Minister
WILLEMSTAD – Su Mahestat Rei Willem-Alexander a otorgá stewardess señora Margareth Abraham póstumamente, Medaya di Honor di Plata pa Yudansa Humanitario.
E Medaya di Honor di Plata pa Yudansa Humanitario, ta despues di e Órden Militar ‘Willems-Orde’, e distinshon di kurashi Hulandes mas bieu te ainda eksistente. Ta otorgá e distinshon akí na personanan ku a hasi un akto humanitario ku tin e karakterístikanan di kurashi, diligensia i sakrifisio propio.
Dia 2 di mei 2020 nos ta konmemorá e echo ku 50 aña pasá e stewardess señora Margareth Abraham a fayesé. Durante un aterisahe forsoso di ALM 980 riba laman den besindario di e isla St. Croix el a sakrifiká su propio bida pa salba mas pasahero di morto. Na e okashon ei el a tuma su responsabilidat komo stewardess, sin a duda niun momentu. Ku esaki el a demostrá kurashi i balentia. Un akto heroiko den historia ku nos no mester lubidá i pa kua Su Mahestat Rei a ekspresá su apresio otorgando e Medaya di Honor di Plata pa Yudansa Humanitario.
Di akuerdo ku e medidanan ku gobièrnu a deklará den kuadro di e lucha kontra Covid-19, a posponé te próksimo aviso, e seremonia kaminda Gobernador ta entregá e Medaya di Honor di Plata pa Yudansa Humanitario, na famia di señora M. Abraham, di felis memoria.
Stewardess Margareth Abraham postuum gehonoreerd
Geplaatst op 02 mei 2020 di door Ministerie van Algemene Zaken en Minister President
WILLEMSTAD – Zijne Majesteit de Koning heeft postuum aan stewardess mevrouw Margareth Abraham de Erepenning voor Mensenlievend Hulpbetoon, Zilver, toegekend.
De Erepenning voor Menslievend Hulpbetoon is, na de Militaire Willems-Orde, de oudste nog bestaande Nederlandse dapperheidsonderscheiding. De onderscheiding wordt verleend aan hen die een menslievende daad hebben verricht die de kenmerken draagt van moed, beleid en zelfopoffering.
Op 2 mei 2020 staan we stil bij het feit dat 50 jaar geleden stewardess mevrouw Margareth Abraham overleed. Tijdens een noodlanding van ALM 980 op zee in de buurt van het eiland St. Croix heeft zij haar eigen leven opgeofferd om meerdere passagiers te redden van de dood. Ze nam daarin haar verantwoordelijkheid als stewardess, zonder enige aarzeling. Hiermee heeft ze moed en durf getoond. Een heldendaad uit de geschiedenis die niet vergeten mag worden, en waarvoor Zijne Majesteit de Koning zijn waardering uit met het toekennen van de Erepenning voor Mensenlievend Hulpbetoon, Zilver.
Ingevolge de maatregelen die door de regering zijn afgekondigd in het kader van de bestrijding van Covid19, zal de officiële ceremonie waarin de Gouverneur van Curaçao de Erepenning voor Mensenlievend Hulpbetoon, Zilver, aan de familie van mevrouw wijlen M. Abraham uitreikt tot nader order worden uitgesteld.
