Pronóstiko di tempu pa Kòrsou i bisindario bálido te djaluna mainta 06:00 o.l., 4 di mei 2020.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 4 di mei 2020.
Kompilá: djadumingu 3 di mei 2020, 05:00 o.l. (09:00 UTC).

Tempu: Shelu ta varia di parsialmente te temporalmente hopi nublá ku algun áwaseru pasahero i di poko importansia riba partinan di Kòrsou durante di mainta.

Temperatura máksimo lo alkansá 32ºC i temperatura mínimo 25ºC.
Solo ta sali 06:15 i ta baha 18:50 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Un ambiente atmosfériko relativamente seku i tambe kubrí ku santu di Sahara ta limitá e chènsnan pa áwaseru signifikante riba nos isla durante e próksimo dianan. E bientu lo sigui basta fuerte durante e fin di siman aki, di manera ku laman ta keda lokalmente un poko haltu rondó di e isla.

Kondishon di laman: Moderá ku altura di olanan entre 1 i 2 meter (3 pa 7 pia). E olanan di mas haltu lo ta riba laman na nort i ost di Kòrsou.

Fenómeno spesial: Ningun.

Perspektiva te djamars mainta: Parsialmente nublá ku chèns pa un áwaseru lokal den oranan di mainta.

Meteorólogo: Correa.