Skelèt hañá den mondi na klein hofje.
KOMUNIKADO DI PRENSA 192 / 2020
4 mei 2020
Skelèt hañá den mondi na klein hofje.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 4 di mei 2020, alrededor di 11.30 or Sentral di Polis a dirigí un patruya na klein hofje
den un mondi, kaminda ku a diskubrí un skelèt humano. Na e sitio indiká, polis a bin topa ku
parti di kabes di un skelèt humano.
A konfiská e esaki pa mas investigashon. Te na e momentu aki no por establesé mas
informashon riba e parti di e skelèt aki.
Investigashon den e kaso aki ta kontinuá.
