Kompletá bo petishon di sosten pa empresario individual pa mas tardá djamars 5 di mei 2020

Kompletá bo petishon di sosten pa empresario individual pa mas tardá djamars 5 di mei 2020

Geplaatst op 04 May 2020 dor di Ministerio Desaroyo Ekonómiko

WILLEMSTAD- Na nòmber di Gobièrnu di Kòrsou, Ministerio di Desaroyo Ekonómiko, ta hasiendo tur esfuerso pa finalisá tur pago di luna di aprel na tur empresario individual ku ta den problema finansiero dor di e krísis kousá pa COVID-19, ku ta bin na remarke pa kobra e pago di aprel. Ki

Ministerio di Desaroyo Ekonómiko (MEO) a nota ku mayoria petishon no ta wòrdu yená kompletu, loke ta opstakulisá e proseso pa finalisá e chekeonan nesesario. Loke na su turno a trese un tardansa den e pago di luna di aprel. Pa por kompletá e petishon, e kliente ta haña un e-mail ku un link for di empresario@fondodisosten.org ku e petishon pa adaptá su petishon. E link aki ta bálido pa 48 ora.
MEO a konstatá ku den mayoria kaso e kliente no ta hasi e adaptashon di su petishon.

Pa ehekutá e pago, ta obligatorio pa esaki tuma lugá riba kuenta di banko personal, di spar òf di e empresa di e empresario mes. Pa fasilitá e proseso di habri un kuenta di banko, MEO a yega na akuerdo ku diferente banko pa esaki. Komo ku nos a nota ku e proseso pa habri un kuenta di banko ta tuma su tempu, a tuma e desishon ku pa solamente e luna di aprel ta hasi eksepshon i depositá e sèn riba e kuenta ku e empresario a pidi pa hasi esaki. Esaki ta riba e empresario mes su rísiko, esta ku gobièrnu no ta para responsabel si akaso esun ku risibí e sèn no pasa esaki over pa e empresario.
Pa pago di luna di mei i yüni si tur empresario di kual nan petishon a keda aprobá, mester ta dispone di su propio kuenta di banko.

Si pa mas tardá djamars benidero e empresario ku ta kumpli ku e kondishonnan di un empresario individual no kumpli ku sierto rekisitonan básiko manera entre otro prueba di su number di entidat, selfie saká huntu ku su prueba di identidat i un number di kuenta di banko, e lo no por haña e pago di aprel pa e siman benidero. Pa por bin na remarke pa risibí sosten finansiero pa e lunanan di mei i yüni 2020 e mester adaptá su petishon manera poné den e e-mail ku e la haña. Pa e lunanan aki e rekisitonan pa bin na remarke pa e pago lo ta mas estrikto ku pa luna di aprel.
Un rekordatorio ta ku entrante 1 mei 2020 no por hasi petishon retro-aktivo mas pa luna di aprel.

Pa kualke pregunta por manda un e-mail na empresario@fondodisosten.org.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: