Pronóstiko di tempu pa Kòrsou i bisindario bálido te djasabra mainta 06:00 o.l., 9 di mei 2020.
Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 9 di mei 2020.
Kompilá: djabièrnè 8 di mei 2020, 05:00 o.l. (09:00 UTC).
KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR PA ÁREANAN DI KOSTA NORT I OST DI KÒRSOU
Tempu: Shelu lo varia di parsialmente pa levemente nublá i bientu lo sigui suplá de bes en kuando fuerte.
Temperatura máksimo lo alkansá 32ºC i temperatura mínimo 27ºC.
Solo ta sali 06:13 i ta baha 18:51 o.l.
Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte te duru; forsa 6 te 7 (40 te 61 km/ora, 22 te 33 nudo).
Situashon general: Ekstenshon di un área di preshon haltu riba Atlántiko lo sigui influensia e tempu durante e próksimo dianan. Esaki ta tene e chèns pa awa kai na un mínimo i tambe sostené un fluho di bientu basta fuerte ku lo resultá den laman lokalmente un poko brutu. Mas ainda, un konsentrashon moderá di santu di Sahara ta sigui redusí e bista den nos área.
Kondishon di laman: Moderá te lokalmente basta brutu ku altura di olanan entre 1.5 i 2 meter (4 pa 7 pia). E olanan di mas haltu lo ta riba laman na nort i ost di Kòrsou ku altura te 2.5 meter (8 pia) . Ta konsehá usuario di boto chikí pa nabegá ku koutela den e kondishon nan aki.
Fenómeno spesial: Ningun.
Perspektiva te djadumingu mainta: Parsialmente nublá en general i un wer seku lo sigui prevalesé.
Meteorólogo: Correa.