Frakshon di Movementu Progresivo Marilyn Moses Tópiko: Preguntanan tokante rapòrt gastunan di 177 mion

Minister di Finansa Señor Kenneth Gijsbertha

Willemstad, 7 mei 2020
Tópiko: Preguntanan tokante rapòrt gastunan di 177 mion
Apresiabel señor Gijsbertha,
Kòrsou tin pa algun aña kaba un défisit riba su presupuesto ku no ta birando ménos.
Na 2020, Gobièrnu a bolbe kuminsá ku un défisit riba presupuesto di aña. Tumando bon nota
di tur e konsehonan di CFT, RvA i otro instansianan, Gobièrnu no a hasi sufisiente kambio,
pa no bisa niun kambio, pa mehorá esaki.
A bini e pandemia di COVID-19 ku a pone tur ekonomia den paisnan rònt mundu kremp
supstansial.
Den tempunan sin krísis mundial, manera na final di 2017, ekonomia mundial a krese ku
3.7%, pero Kòrsou su ekonomia a kremp ku 1.4% na 2017 so.
Desde dia ku e Gabinete Rhuggenaath a sinta te ku nèt promé ku e krísis di COVID-19, pues
di 2017 te ku komienso di 2020, nos ekonomia a kremp ku 5.7 porshento.
Den e momentunan aki, Parlamento i pueblo, mester ta mas ku nunka hopi skèrpi riba nos
finansa kontrolando kon nos gastunan ta wòrdu atendé, mirando ku Gobièrnu mes no ta
dunando nos ni un konfiansa ku nan ta realmente bahando gastunan den nan mes seno i den
seno di kompanianan I fundashonan di Gobièrnu.
Pa medio di e karta aki, frakshon di Movementu Progresivo ta hasi uso di su derecho stipulá
den nos “Lei Fundamental” di kontrolá Gobièrnu i finansa di Gobièrnu, nos ta hasi e
siguiente preguntanan:
1. Di e suma di 177 mion ku Hulanda a fia Kòrsou, nos ke risibí un rapòrt detayá ku ta
inkluí pòst pa tur gastu ku a hasi riba e suma aki.

Na presidente di Parlamento
W. Millerson

Presente
Willemstad, 7 mei 2020
Tópiko: Preguntanan tokante gastunan di 177 mion
Apresiabel señor presidente,
Pa medio di e karta aki, hasiendo uso di artíkulo 96 di Reglamentu di Òrdu di parlamento di
Kòrsou, mi ke hasi petishon na bo persona pa dirigí e karta athunto na minister di Finansa,
señor Kenneth Gijsbertha.
Atentamente,
Frakshon di Movementu Progresivo
Marilyn Moses