Kaso di hinkamentu ku detenshon.

KOMUNIKADO DI PRENSA 195 / 2020
9 mei 2020
Kaso di hinkamentu ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè atardi 8 di mei 2020 alrededor di 16.51’or, Sentral di Polis a dirigí un unidat di
Otrabanda pa Kaya Ma Pieternella na altura di un minimarket pa un kaso di hinkamentu.
Na yegada di e unidat, nan a bin topa un hòmber drumi na suela ku dos hinká na altura di su
barika ku tabata sangra bastante.
Mesora a pidi presensia di ambulans, pa transportá e víktima pa sala di emergensia di
C.M.C.
Na e sitio, polis no a bin topa ku e agresor.
For di investigashon preliminar a sali na kla ku e víktima i un otro hòmber tabatin un
diskushon ku otro, ku a terminá den e hinkamentu en kestion.
Kontinuando ku e investigashon, den e mardugá di djasabra di 9 di mei alrededor di
03.55’or, polis a detené e hòmber A.F.Z. di 57 aña di edat nase na Kòrsou komo
sospechoso den e kaso aki.
E detenshon a tuma lugá na Boca Sami.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.