Lokèt di Pèrmit ku servisio adaptá entrante 13 di mei 2020
Lokèt di Pèrmit ku servisio adaptá entrante 13 di mei 2020
Geplaatst op 08 May 2020 dor di Ministerio Maneho di Gobernashon, Planifikashon i Servisio Públiko
Willemstad – Lokèt di Pèrmit ta reanudá su servisio na públiko riba djarason 13 di mei próksimo. Durante di djaluna 11 di mei i djamars 12 di mei Lokèt di Pèrmit lo ta será pa prepará su personal riba e forma nobo di atendé teniendo kuenta ku ‘social distancing’ (2 meter) i medidanan di prekoushon i protekshon di salú di tantu trahadónan komo di klientenan. Entrante dia 13 di mei próksimo ta atendé kliente na bali solamente ku sita. Esaki ta tuma lugá riba djaluna, djarason i djabièrnè parti mainta entre 8’or i 12’or.
Por tuma kontakto ku e diferente departamentunan di Lokèt di Pèrmit di e siguiente forma.
Departamento Bentana di Informasho
- Pa informashon general di produkto i servisio di Gobièrnu na telefòn 0800-1515 òf 433-3123.
- Pa petishon di VOG mail na vog.vl@gobiernu.cw.
- Pa LOB mail na infovergunningenloket@gobiernu.cw.
- Pa kùr vehíkulo mail na sita@gobiernu.cw òf yama 0800-1515 òf 433-3123.
No ta posibel ainda pa traha sita pa pasport, reibeweis i sédula.
Departamento Intake
- Pa sita por yama na 433-3140.
- Pa entrega di petishon pa pèrmit di labor òf ekonómiko mail na intake.vergunningenloket@gobiernu.cw.
Departamento Afgifte
Pa servisio di e departamento di afgifte, por yama na e number di telefòn 433-3135 òf manda un mail na afgifte.vergunningenloket@gobiernu.cw.
Lokèt di Pèrmit ta partisipá tambe ku lo no por pèrmití aglomerashon di hende den sala di espera. Esaki relashoná ku e dos meter di distansia ku mester tuma na kuenta. Ta urgi tur persona pa komuniká pa medio di email ku Lokèt di Pèrmit. Pa mas informashon semper por tuma kontakto ku nos na 0800-1515.