Pronóstiko di tempu pa Kòrsou i bisindario bálido te djamars mainta 06:00 o.l., 12 di mei 2020.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 12 di mei 2020.
Kompilá: djaluna 11 di mei 2020, 05:00 o.l. (09:00 UTC).

KÓDIGO HEL: PREKOUSHON PA LAMAN BRUTU 

Tempu: Leve te parsialmente nublá ku bientu de bes en kuando fuerte.

Temperatura máksimo lo alkansá 32ºC i temperatura mínimo 27ºC.
Solo ta sali 06:12 i ta baha 18:52 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte te duru; forsa 6 te 7 (40 te 61 km/ora, 22 te 33 nudo).

Situashon general: Un área di preshon haltu riba Atlántiko lo limitá e posibilidat pa awa kai tambe durante di e próksimo dianan. E mes un sistema aki ta sostené e bientu relativamente fuerte di último dianan ku ademas ta resultá den laman un poko brutu. Di otro un banda, presensia di santu di Sahara lo sigui restringí e bista den nos region un poko.

Kondishon di laman: Moderá te lokalmente basta brutu ku altura di olanan entre 1.5 i 2.5 meter (4 pa 8 pia). E olanan di mas haltu lo ta riba laman na nort i ost di Kòrsou. Den e situashon aki, ta konsehá nabegantenan di boto chikí pa no alehá muchu for di kosta.

Fenómeno spesial: Ningun.

Perspektiva te djarason mainta: Por lo general parsialmente nublá i seku.

Meteorólogo: Figueroa