Konforme e rekomendashonnan di FATF CBCS ta publiká provishonnan i direktivanan pa AML/CFT/CFP

Konforme e rekomendashonnan di FATF
CBCS ta publiká provishonnan i direktivanan pa AML/CFT/CFP

WILLEMSTAD/PHILIPSBURG – Awe, Centrale Bank van Curaçao en Sint Maarten (CBCS) a emití
e kuater siguiente provishonnan i direktivanan relashoná ku AML/CFT/CFP1
aplikabel pa institutonan di krédito, kompanianan i intermediarionan di seguro, kompanianan di transferensia
di sèn i sektor di trust:
• Provisions & Guidelines on Combatting Money Laundering and the Financing of Terrorism &
Proliferation for Life Insurance Companies and Intermediaries (Insurance Brokers) Curaçao
• Provisions & Guidelines on Combatting Money Laundering and the Financing of Terrorism &
Proliferation for Credit Institutions Curaçao
• Provisions & Guidelines on Combatting Money Laundering and the Financing of Terrorism &
Proliferation for Money Transfer Companies Curaçao
• Provisions & Guidelines on Combatting Money Laundering and the Financing of Terrorism &
Proliferation for Company (Trust) Service Providers Curaçao
E provishonnan i direktivanan akí ta remplasá e provishonnan i direktivanan emití pa CBCS na 2013
pa kontrarestá labamentu di plaka i finansiamentu di terorismo (Provisions and Guidelines on the
Detection and Deterrence of Money Laundering and Terrorist Financing) aplikabel pa institutonan di
krédito, kompanianan i intermediarionan di seguro, suministradó di servisio empresarial i
kompanianan di transferensia di sèn. A finalisá e dokumentonan akí despues di konsulta ku vários
organisashon representativo, loke a resultá den deliberashon i komentario konstruktivo.
Mantenshon di kumplimentu
E provishonnan i direktivanan akí ta basá riba vários Ordenansa Nashonal. Institutonan supervisá ta
obligá pa kumpli debidamente ku e provishonnan i direktivanan akí i pa tuma e medidanan nesesario
pa kumpli ku e eksigensianan fihá. Den kaso ku un instituto no kumpli ku e provishon i direktivanan
nobo, CBCS lo tuma medida pa imponé kumplimentu, por ehèmpel but.
P&G konforme e rekomendashonnan di FATF
Emishon di e provishon i direktivanan ta un ehèmpel di CBCS su Supervishon Estilo Nobo, ku un
enfoke mas dirigí i intrusivo, ku e meta di por kumpli kompletamente ku e normanan internashonal
i ‘bon práktikanan’ pa sektor finansiero; den e kaso spesífiko akí, e rekomendashonnan di FATF. P’esei
mes, e provishonnan i direktivanan ta kontené algun eksigensia nobo pa kumpli ku e
rekomendashonnan di FATF.
1 Anti-Money Laundering / Countering the Financing of Terrorism / Countering the Financing of Proliferation of weapons of
mass destruction
Evaluashon di riesgo
Tur institutonan supervisá mester disponé di e prosedimentunan nesesario pa identifiká, evaluá,
vigilá, manehá i mitigá e riesgonan di labamentu di plaka i finansiamentu di terorismo den nan
operashonnan di negoshi. Tambe CBCS a formulá un guia (SARA) pa evaluashon sistemátiko di
riesgo riba tereno di AML/CFT/CFP. A konsultá sektor durante preparashon di e dokumento akí i a
adapt’é a base di e komentarionan risibí for di e sektor.

P&G revisá pa e demas sektornan
CBCS ta trahando riba provishonnan i direktivanan pa e otro sektornan na Kòrsou i pa e sektornan
na Sint Maarten. E mesun rekisitonan menshoná den e provishon i direktivanan lo ta aplikabel pa e
otro sektornan na Kòrsou tambe. Mirando ku e base hurídiko pa Sint Maarten ta diferente, kontenido
di e provishonnan i direktivanan pa Sint Maarten ta varia aki i aya.
Tantu e Provishonnan i Direktivanan komo e dokumento SARA ta disponibel riba wèpsait di CBCS,
via e siguiente lenk https://www.centralbank.cw/legislation-guidelines/integrity-financialsector/anti-money-laundering.
Willemstad, 12 di yüni 2023
CENTRALE BANK VAN CURAÇAO EN SINT MAARTEN