KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Servisio di Atmishon ku kambio pa ku servisio na públiko

Servisio di Atmishon ku kambio pa ku servisio na públiko

Geplaatst op 13 May 2020 dor di Ministerio Asuntunan General i Promé Minister

Den kuadro pa prevenshon di transmishon di COVID-19 i pa tene distansha sosial mas tantu posibel, Servisio di Atmishon ta informá e siguiente kambionan pa ku servisio na públiko.

Entrega di petishon pa pèrmit
Pa personanan ku tin ku entregá un petishon pa pèrmit, mester hasi esaki solamente via di intake@immigrationcur.org. Pa kada persona mester manda un e-mail menshonando e nòmber i fecha di nasementu di e petishonario. Tur dokumentu pa e petishon mester keda mandá den un solo mail i den formato PDF. Petishonnan ku keda mandá den un otro formato no por keda registrá.

 

Otorgamentu di título di residensia
Personanan ku a risibí un desishon positivo riba nan petishon por traha un sita pa pasa tuma nan título di residensia (den forma di stèmpel den nan pasport). Pa por traha e sita mester manda un mail na sita@immigrationcur.org òf por yama na telefòn 733-2000. E kantidat di sita ku por traha ta limitá.

Traha sita
Na momentu ku ta manda un mail òf bèl pa traha un sita mester indiká e siguiente informashonnan:

  • Indiká pa kuantu persona
  • Nòmber i fam di kada petishonario
  • Number di fmscrv
  • Number di telefòn

Tuma título di residensia
Na momentu ku ta bin tuma e título di residensia mester presentá ku lo siguiente:

  • Pasport bálido
  • E desishon positivo
  • Seguro médiko
  • Den kaso di un promé petishon, mester presentá ku e komprobante di pago di depósito
  • Kada persona mes mester tuma su título di residensia. Esaki den kuadro di indentificatieplicht
  • Menor di edat (bou di 12 aña), 1 mayor por tuma e título di residensia
  • No por outorisá un persona pa tuma e título di residensia
  • No ta pèrmiti pa bini ku apoderado
  • No ta pèrmiti aglomerashon di hende p’afo di edifisio

Medidanan pa seguridat
No por bini mas ku 5 minüt promé ku bo sita. Si bo orario di sita pasa, mester traha un sita nobo. No por presentá ku mucha bou di 12 aña mirando e situashon pa ku prevenshon. Na entrada mester limpia man ku handsanitizer ku ta disponibel. E entrada ku ta keda usá ta esun prinsipal na Prinsenstraat 90. No ta pèrmiti pa tin aglomerashon di hende pafó di e edifisio.

Informashon
Personanan ku ta deseá informashon mester hasi esaki via di info@immigrationcur.org òf por yama number di telefòn 733-2000. Na momentu ku ta pidi e informashon, mester ta konkreto kua tipo di informashon ta deseá. Por lo pronto no ta posibel pa risibí informashon personal na Servisio di Atmishon.

Apelashon
Pa entregá e apelashon mester manda e apelashon huntu ku e dokumentunan konserní na info@immigrationcur.org den formato PDF.

E-mailnan importante

639114718427035"
639114718427035"