KOMISHON  “INERES DI FARANDULA”A KEDA INSTALA PA ATENDÉ  KON TA SIGUI DEN E NORMAL NOBO

KOMISHON  “INERES DI FARANDULA”A KEDA INSTALA PA ATENDÉ  KON TA SIGUI DEN E NORMAL NOBO

 

WILLEMSTAD — Direktiva di AMAK, durante di un reunion djarason dia 13 di mei 2020,  a deliberá ku representantenan di difrente gremio di farándula aki na Kòrsou. Na e okashon aki direktiva di AMAK a invitá  1 representante di prensa i tambe  1promotor i  1 organisadó di fiesta.

E tema di e reunion aki tabata,  kua ta e pasonan ku tin ku tuma konforme e situashon aktual na interes di farándula.

 

E reunion tabata hopi fruktífero i a tuma e desishon pa duna e komishon aki un karakter ofisial, pa yega na un dokumento,  ku lo bai pa Minister di Hustisia, den kua lo tin presentashon di alternativanan ku mester kondusí na alivio di e situashon aktual di nos farándula.

 

Tan pronto ku e dokumento ta kla, lo hasi anunsio tambe di e konstelashon di e komishon i e tareanan ku e miembronan di e komishon lo bai tin.

 

Tur esnan presente tabata hopi positivo ku e situashon di farándula den e normal nobo, ku sierto adaptashonnan, lo ta den un situashon mas faborabel pa tur esnan envolví.