Pronóstiko di tempu pa Kòrsou i bisindario bálido te djaluna mainta 6:00 o.l., 18 di mei 2020.
Pronóstiko
Pronóstiko di tempu pa Kòrsou i bisindario bálido te djaluna mainta 6:00 o.l., 18 di mei 2020.
Kompilá: djadumingu 17 di mei 2020, 05:00 o.l. (09:00 UTC).
KÓDIGO HEL: .UN MENSAHE DI PREKOUSHON PA LAMAN BRUTU.
Tempu: Shelu ta por lo general parsialmente nublá i kompañá de bes en kuando pa bientu basta fuerte. Ta eksistí tambe chèns pa un òf mas áwaseru breve prinsipalmente durante awe mainta.
Temperatura máksimo lo alkansá 32ºC i temperatura mínimo 27ºC.
Solo ta sali 06:11 i ta baha 18:53 o.l.
Bientu: Generalmente ost i basta fuerte te fuerte; forsa 5 te 6 (30 te 50 km/ora, 17 te 27 nudo). Ráfaga de bes en kuando duru; forsa 7 (51 te 61 km/ora, 28 te 33 nudo).
Situashon general: Un área amplio di preshon haltu riba Atlántiko nort lo sigui yuda generá un fluho di bientu basta duru den nos region. Di manera ku nos laman ta kontinuá lokalmente basta brutu durante e fin di siman aki. Mas ainda, oumento di nubia durante di mainta por resultá den un tiki áwaseru pasahero riba partinan limitá di e isla i su alrededor. Tambe e bista lo ta generalmente redusí, ya komo santu di Sahara lo ta plamá den nos ambiente atmosfériko.
Kondishon di laman: Moderá te lokalmente basta brutu ku altura di olanan entre 1.5 i 2.5 meter (4 pa 8 pia). E olanan di mas haltu lo ta den zona nan na nort i ost di Kòrsou. Ta pidi nabegantenan di boto chikí pa ta kouteloso i no alehá muchu di kostanan.
Fenómeno spesial: E disturbio tropikal sùitost di Estádos Unídos a sigui intensifiká i durante ayera esaki a bira un siklon. A wor e disturbio tropikal a wòrdu denominá komo e promé tormenta pa temporada di orkan 2020. Tormenta tropikal Arthur ta moviendo nort nortost i lo keda serka di e kostanan ost di kontinente Amerikano te kuminsamentu di siman, pa despues esaki dirigí su mes pa laman habrí di Atlántiko nort riba djamars. E tormenta aki no ta un menasa pa e islanan den Karibe.
Perspektiva te djamars mainta: No ta antisipá muchu kambio i wer seku lo prevalesé.
Meteorólogo: Coffie.