DIREKTIVA DI FFK KU INFORMASHON RELASHONÁ KU KONTINUASHON DI KAMPIONATONAN!

DIREKTIVA DI FFK KU INFORMASHON RELASHONÁ KU KONTINUASHON DI KAMPIONATONAN!

 

Djasabra 16 mei 2020, direktiva di FFK a kontinuá ku un seri di reunion relashoná ku e tópiko di kontinuashon di e kampionatonan di FFK. Manera ya ta konosí deporte tambe a keda afektá pa e pandemia aki i tin basta dia pará. Despues ku a hasi e evaluashonnan nesesario i teniendo kuenta ku e instrukshonnan di Gobièrnu relashoná ku Covid-19, direktiva a tuma e desishon ku Liga MCB Promé i Segundo Divishon lo kontinuá dia 14 yüni 2020. 

Ta e intenshon pa e kampionatonan por lo pronto tuma lugá solamente riba djadumingu, sin fanatikada, pendiente instrukshon nobo di Gobièrnu. 

Direktiva lo sigui informá e klupnan i tur fanátiko di e desaroyonan yegando 14 yüni 2020.

 

Keda pendiente pa mas informashon…

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: