Detenshon i konfiskashon relashoná ku ladronisia.

KOMUNIKADO DI PRENSA 214 / 2020
23 mei 2020
Detenshon i konfiskashon relashoná ku ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di ladronisia ku a tuma lugá
djabièrnè 22 di mei 2020 den oranan di mardugá, reshèrshinan di VVC Montaña a
detené 4 hòmber sospechoso.
Djabièrnè 22 di mei 2020 den oranan di mardugá deskonosínan a hòrta for di un
establesimentu na Seru Loraweg, un vèn den kua tabatin un kantidat grandi di kaha
di bibida. Den oranan di atardi polis a bai na Seru Machu kaminda tabatin algun
hòmber ku tabata hinka kahanan di bibida prosedente di e ladronisia ariba
menshoná den un vèn.
Na e sitio polis a detené e hòmbernan sospechoso:
 R.D.G.P. di 25 aña di edat;
 A.R. di 26 aña di edat;
 M.A.Z. di 21 aña di edat, tur tres nasé na Kòrsou;
 Z.Z. di 46 aña di edat, nasé na China.
E detenshon ta relashoná ku e ladronisia ariba menshoná, inkubrimentu i
kumpramentu di artíkulonan hòrtá. Polis a konfiská e kahanan di bibida, dos
vehíkulo i un kantidat di plaka kèsh.
A presentá e sospechosonan dilanti di un fiskal ouksiliar ku despues di interogashon
a poné M.A.Z. den libertat i a ordená enkarselamentu di e trio pendiente di mas
investigashon.