Kaso di hinkamentu ku morto.

KOMUNIKADO DI PRENSA 215 / 2020

23 mei 2020

Kaso di hinkamentu ku morto.

Djabièrnè dia 22 di mei 2020, algu despues di 23.00’or, un outo partikular a bin baha un hòmber na sala di emergensia di C.M.C.
E víktima aki tabatin diferente hinka na entre otro su pechu, brasa i tambe vários kòrtá den kara.
Dòkternan na warda no por a hasi nada mas pa e víktima ku ya tabata den un situashon sumamente kritiko.
For di informashon ku te na e momentunan aki polis ta dispone di dje, ta indiká ku e víktima huntu ku algun otro persona tabata na altura di un snek den Piscaderaweg. Despues di un problema entre e víktima i un òf mas persona, nan lo mester a hink’e i kòrt’e na vários parti di su kurpa.
Riba òrdu di fiskal di Ministerio Públiko a konfiská e kurpa sin bida di e hòmber Dylmer Dielingen, nase na Kòrsou dia 25 di desèmber 1983, pa mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: