Informashon den kaso di hinkamentu ku morto.

KOMUNIKADO DI PRENSA 216 / 2020
25 mei 2020
Informashon den kaso di hinkamentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku e kaso di hinkamentu ku a tuma lugá djabièrnè dia 22 di mei 2020, den
área di Piscaderaweg kaminda un hòmber a pèrdè su bida (Komunikado di Prensa
215/2020), polis ta pidi koperashon.
Kuerpo Polisial ta pidi yudansa di komunidat pa asina mas pronto posibel por
solushoná e kaso ariba menshoná.
Personanan ku a mira òf por tin kualke informashon tokante di e kaso di asesinato di
22 di mei 2020, sea asina bon di fasilitá e informashon aki na polis.
Por hasi esaki via di number di telefòn 917 òf 108 ku ta e number anónimo.
Ban huntu un bes mas ban solushoná un kaso mas.