CMC den kolaborashon ku Inspectie ta investigá keho di pashènt.

CMC den kolaborashon ku Inspectie ta investigá keho di pashènt.

Willemstad, 25 di Mei 2020 – Gerensia di Curaçao Medical Center (CMC) a tuma nota di un entrevista ku ta
sirkulá den media di un èks-pashènt ku ta ekspresá su mes tokante su eksperensha na SEHOS den 2019.
CMC inmediatamente a inisiá un investigashon interno pa loke ta trata e kaso aki i ademas lo koperá
debídamente ku e Servisio di Inspekshon di Salubridat Públiko. Mientras ku e investigashon ta kanando, e
spesialista konserní lo no tin turno pa operashon ni sita na poliklínika. Asina e investigashon por tuma lugá
transparente i ophetivamente.
Gerensia di Curaçao Medical Center (CMC) ta konsiente di e nesesidat pa kontinuamente mehorá i elevá e
servisionan ku e hòspital ta ofresé su pashènt. Den e traspaso di SEHOS pa CMC i den e periodo ku a sigui,
CMC a bin ta traha riba sistemanan pa koregí e prosesonan aktual i trese e desaroyo nesesario pa sigurá
mihó servisio i eksperensha na nos hòspital.
Tur kliente i pashènt por ta sigurá ku lo trata nan keho ku gran seriedat i koutela. Pa medio di esaki
Maneho i personal di CMC ke enfatisá ku nan ophetivo ta pa sigurá un mihó servisio na hòspital i e
eksperensia di e pashènt. Pa e motibu aki CMC ta úrgi tur (èks-)pashènt pa na momentu ku nan tin un
keho tokante nan eksperensha òf servisio, pa por fabor tuma kontakto ku CMC via e liñanan di kontakto
direkto, kual ta e Departamentu di Keho via e number 745-0000 (ekstenshon 1260 òf 1261) òf pa medio di
adrès di email klachten@cmc.cw.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: