Pronóstiko di tempu pa Kòrsou i bisindario bálido te djaluna mainta 06:00 o.l., 1 di yüni 2020.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 1 di yüni 2020.
Kompilá: 
djadumingu 31 di mei 2020, 05:00 o.l. (09:00 UTC).

Tempu: Por lo general parsialmente nublá i seku.

Temperatura máksimo lo alkansá 32ºC i temperatura mínimo 27ºC.
Solo ta sali 06:10 i ta baha 18:57 o.l.

Bientu: Generalmente ost i por lo general moderá: forsa 3 te 5 (12 te 39 km/ora, 7 te 21 nudo).

Situashon general: Un airu relativamente seku na nivelnan mas abou di atmósfera lo stroba desaroyo di nubia signifikante den nos área. Sinembargo durante di djaluna mainta ta antisipá un oumento temporal di nubia ku posibilidat pa algu di awaseru lokal. Di otro un banda, e bista lo sigui limitá pa motibu di presensia di santu di Sahara den nos ambiente.

Kondishon di laman: Moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal:
 Ningun. Mañan, 1 di yüni, temporada di orkan 2020 ta kuminsá ofisialmente. Manera ta kustumber, Servisio Meteorológiko Kòrsou lo monitoreá tur disturbio ku por forma menasa pa nos isla i, den kaso ku esei ta nesesario, lo emití atvertensia pa pueblo i outoridatnan di Kòrsou. E nòmbernan ku a ser reservá pa e tormentanan tropikal i orkan di e aña aki ta: Arthur, Bertha, Cristobal, Dolly, Edouard, Fay, Gonzalo, Hanna, Isaias, Josephine, Kyle, Laura, Marco, Nana, Omar, Paulette, René, Sally, Teddy, Vicky i Wilfred. Miéntras tantu Tormentanan Tropikal Arthur i Bertha ya a forma te disparsé riba respektivamente Osean Atlántiko i parti ost di Merka.

Fenómeno spesial: Ningun.

Perspektiva te djamars mainta: Shelu lo ta basta nublá ku chèns pa algu di áwaseru riba i alrededor di e isla.

Meteorólogo: Luciano.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: