KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

*Bon bisiña, bon Yu’i Kòrsou den nos kaya. *

*Bon bisiña, bon Yu’i Kòrsou den nos kaya. *
Bisiñanan den Johan de Laetstraat a konekta más, i duna otro sosten durante Shelter in place.
Fielmente tur djarason anochi, nan ta partisipa den
“Djarason, orashon den bo balkon”, kantando i resando huntu.
Tambe a komparti ramanan pa Domingu di rama, a selebra Pasku, Dia di Rei i Dia di Mama.
Djasabra 30 di mei, fecha natal di bisiña Angelo Apolina, bisiñanan a sorpres’é ku un selebrashon.
E ta e motor vital tras di tur selebrashon i union den kaya.
Angelo ta un bisiña ehemplar, ku ta yuda tur hende, sin distinshon di edat, rasa, religion, marka di outo, òf salario. E ta yuda ku kliko, kurá i mata, kambia tire, sirbi di barman i disk jockey, mc, kanta bingo, kologa lusnan den kaya, buska kachó perdí, hisa bandera, jump start outo, muha mata, kita nèshi di abeha, yuda ku bbq, baha mango, en fin, semper klá pa yuda ku kualke kos ku presentá.
Pa mustra nan gratitut, bisiñanan a presentá Angelo e boton di “Bon yu’i Kòrsou”, i a entreg’é un serifikado di apresio.
Angelo, masha pabien! I danki!
Berdaderamente bo ta e ehempel di un bon bisiña, i un Bon Yu’i Kòrsou!

Leave a Reply

This site uses Akismet to reduce spam. Learn how your comment data is processed.